HS 2nd Year Logic And Philosophy Common for HS 2026 Questions

HS 2nd Year Logic And Philosophy Common for HS 2026 Questions: Induction, its kinds (আগমন আৰু ইয়াৰ প্ৰকাৰ) is the chapter 1 from  class 12 logic and philosophy. Here you can avail HS 2nd Year Logic And Philosophy Common for HS 2026 Questions.

Logic and Philosophy Class 12 Question Paper Assamese Medium | HS 2nd Year Logic and Philosophy Question Answer

১। নিগমন আৰু আগমনৰ মাজত থকা দুটা পাৰ্থক্য উল্লেখ কৰা। HS 2012, 13, 15, 19

উত্তৰঃ নিগমন আৰু আগমনৰ মাজত থকা দুটা পার্থক্য হ'ল-

(১) নিগমন অনুমানত সামান্যৰ পৰা বিশেষ সত্যত উপনীত হোৱা যায়। আনহাতে আগমন অনুমানত বিশেষৰ পৰা সামান্য সত্যত উপনীত হোৱা যায়।

(২) নিগমন অনুমানৰ সিদ্ধান্ত আশ্রয় বাক্যতকৈ বেছি ব্যাপক হ'ব নোৱাৰে। আনহাতে আগমন অনুমানত সিদ্ধান্ত আশ্রয় বাক্যতকৈ বেছি ব্যাপক।

২। উপযুক্ত উদাহৰণসহ সু-সাদৃশ্যমূলক অনুমানৰ সংজ্ঞা দিয়া। HS 2012, 14, 16

উত্তৰঃ যি সাদৃশ্যমূলক অনুমানত দুটা বস্তুৰ মাজত থকা সাদৃশ্যবোৰ মৌলিক আৰু গুৰুত্বপূৰ্ণ গুণৰ সাদৃশ্য সেই সাদৃশ্যানুমানক সু-সাদৃশ্যমূলক অনুমান বোলে।

উদাহৰণস্বৰূপে, পৃথিৱী আৰু মংগল দুয়োটাই সৌৰজগতৰ গ্ৰহ। দুয়োটাই সূৰ্যক প্রদক্ষিণ কৰে। দুয়োটাতে বায়ুমণ্ডল, মাটি, পানী, উত্তাপ আদি আছে। পৃথিৱীত জীৱ আছে, গতিকে মংগল গ্রহটো জীৱ আছে।

৩। বৈজ্ঞানিক আগমন আৰু অবৈজ্ঞানিক আগমনৰ মাজত থকা যি কোনো তিনিটা সাদৃশ্য উল্লেখ কৰা। HS 2012, 16

উত্তৰঃ বৈজ্ঞানিক আগমন আৰু অবৈজ্ঞানিক আগমনৰ মাজত থকা তিনিটা সাদৃশ্য হ'ল -

(১) বৈজ্ঞানিক আৰু অবৈজ্ঞানিক দুয়ো প্ৰকাৰ আগমনতেই একো একোটা যথার্থ সামান্য বচন প্রতিষ্ঠা কৰা হয়।

(২) বৈজ্ঞানিক আৰু অবৈজ্ঞানিক দুয়ো প্ৰকাৰ আগমনেই পর্যবেক্ষণৰ ওপৰত নিৰ্ভৰশীল।

(৩) দুয়ো প্ৰকাৰ আগমনতেই আগমনৰ মূল লক্ষণ আগমনাত্মক জাঁপ আছে।

৪। উপযুক্ত উদাহৰণসহ কু-সাদৃশ্যমূলক অনুমানৰ সংজ্ঞা দিয়া। HS 2013, 15

উত্তৰঃ যি সাদৃশ্যমূলক অনুমানত দুটা বস্তুৰ মাজত থকা সাদৃশ্যবোৰ মৌলিক আৰু গুৰুত্বপূৰ্ণ গুণৰ সাদৃশ্য নহয়, গৌণ বা আকস্মিক গুণৰহে সাদৃশ্য মাত্র, সেই সাদৃশ্যানুমানক কু-সাদৃশ্যমূলক অনুমান বোলে।

উদাহৰণস্বৰূপে, মানুহৰ দৰে উদ্ভিদৰো জন্ম, বৃদ্ধি আৰু মৃত্যু আছে। মানুহৰ বুদ্ধি আছে, গতিকে উদ্ভিদৰো বুদ্ধি আছে।

৫। উপযুক্ত উদাহৰণসহ বৈজ্ঞানিক আগমনৰ সংজ্ঞা দিয়া। HS 2014

উত্তৰঃ যি আগমনত কোনো বস্তু বা ঘটনাৰ বিশেষ বিশেষ দৃষ্টান্ত কেইটামান পর্যবেক্ষণ কৰি, প্ৰকৃতিৰ একৰূপতা বিধি আৰু কাৰ্য-কাৰণ বিধিৰ ওপৰত নিৰ্ভৰ কৰি সেই শ্ৰেণীৰ সকলো বস্তু বা ঘটনা সম্পর্কে এটা যথার্থ সামান্য বচন প্রতিষ্ঠা কৰা হয় তাক বৈজ্ঞানিক আগমন বোলে। যেনে-

ৰাম হয় মৰণশীল।

হৰি হয় মৰণশীল।

এতেকে, সকলো মানুহ হয় মৰণশীল।

৬। বৈজ্ঞানিক আগমন আৰু অবৈজ্ঞানিক আগমনৰ মাজত থকা দুটা পার্থক্য উল্লেখ কৰা। HS 2014

উত্তৰঃ বৈজ্ঞানিক আগমন আৰু অবৈজ্ঞানিক আগমনৰ মাজত থকা দুটা মূল পার্থক্য হ'ল - 

(১) বৈজ্ঞানিক আগমন পৰীক্ষাযোগ্য আৰু পৰ্যবেক্ষণযোগ্য তথ্যৰ ওপৰত ভিত্তি কৰি কৰা হয়, আনহাতে অবৈজ্ঞানিক আগমন ব্যক্তিগত বিশ্বাস, পৰম্পৰা বা অনুভৱৰ ওপৰত ভিত্তি কৰি কৰা হয়। 

(২) বৈজ্ঞানিক আগমন পদ্ধতিগত আৰু নিৰপেক্ষ হ'ব বিচাৰে, আনহাতে অবৈজ্ঞানিক আগমন ব্যক্তিভিত্তিক বা বিষয়ভিত্তিক হ'ব পাৰে।

HS 2nd Year Logic And Philosophy Common for HS 2026 Solutions | Logic and Philosophy Class 12 Question Answer PDF

৭। সাদৃশ্যমূলক অনুমানৰ যিকোনো দুটা বৈশিষ্ট্য উল্লেখ কৰা। HS 2015 

উত্তৰঃ সাদৃশ্যমূলক অনুমানৰ দুটা বৈশিষ্ট্য হ'ল - 

(১) ই এক সম্ভাৱনামূলক অনুমান আৰু ইয়াৰ সিদ্ধান্ত নিশ্চিত নহয়। সাদৃশ্যমূলক অনুমানত, দুটা বস্তু বা ঘটনাৰ মাজত থকা সাদৃশ্যৰ ওপৰত ভিত্তি কৰি এটা বস্তু বা ঘটনাৰ আন এটা বৈশিষ্ট্য আনটোত থাকিব পাৰে বুলি অনুমান কৰা হয়। 

(২) এই অনুমান প্ৰকৃতিত সদায় সম্ভাৱনামূলক হয়, কাৰণ সাদৃশ্য থকাৰ পিছতো দুটা বস্তুৰ মাজত কিছুমান পাৰ্থক্য থাকিব পাৰে, যাৰ ফলত সিদ্ধান্তটো সঠিক নহ'বও পাৰে। 

৮। অবৈজ্ঞানিক আগমনৰ সিদ্ধান্ত কিয় সম্ভাৱনামূলক হয় অতি চমুকৈ ব্যাখ্যা কৰা। HS 2016, 17

উত্তৰঃ অবৈজ্ঞানিক আগমনৰ সিদ্ধান্ত সম্ভাৱনামূলক হয় কাৰণ ইয়াৰ সিদ্ধান্তবোৰ কেৱল কিছুমান নিৰীক্ষণৰ ওপৰত ভিত্তি কৰি লোৱা হয়, যিবোৰ সদায় সঠিক নহ'বও পাৰে। বৈজ্ঞানিক আগমনৰ দৰে ইয়াৰ সিদ্ধান্তবোৰ নিশ্চিত নহয়, আৰু নতুন তথ্যৰ আৱিষ্কাৰে ইয়াৰ সিদ্ধান্তবোৰ ভুল প্ৰমাণিত কৰিব পাৰে। 

৯। আগমনাত্মক আৰু নিগমনাত্মক অনুমানৰ মাজত থকা দুটা পার্থক্য উল্লেখ কৰা। HS 2016, 17

উত্তৰঃ আগমনাত্মক আৰু নিগমনাত্মক অনুমানৰ মাজত থকা দুটা মুখ্য পার্থক্য হ'ল - 

(১) আগমনাত্মক অনুমান সাধাৰণীকৰণৰ ওপৰত আধাৰিত, আনহাতে নিগমনাত্মক অনুমান সাধাৰণ সূত্ৰৰ পৰা বিশেষ উদাহৰণলৈ যায়। 

(২) আগমনাত্মক অনুমানে নতুন জ্ঞান সৃষ্টি কৰে, কিন্তু নিগমনাত্মক অনুমানে পূৰ্ব-প্ৰাপ্ত জ্ঞানৰ ওপৰত আধাৰিত। 

১০। বৈজ্ঞানিক আগমনৰ সংজ্ঞা দিয়া। HS 2017, 19

উত্তৰঃ বৈজ্ঞানিক আগমন হ'ল এক পদ্ধতি, যাৰ দ্বাৰা কিছুমান বিশেষ ঘটনা বা পৰ্যবেক্ষণৰ ওপৰত ভিত্তি কৰি এক সাধাৰণ নিয়ম বা সিদ্ধান্তত উপনীত হোৱা যায়। ইয়াৰ মূল বৈশিষ্ট্য হৈছে, নিৰ্দিষ্ট কিছুমান উদাহৰণৰ পৰা সাধাৰণীকৰণ কৰা। এই সিদ্ধান্তবোৰ পৰীক্ষা আৰু প্ৰমাণৰ দ্বাৰা সত্যতা নিৰূপণ কৰিব পাৰি। 

১১। সুসাদৃশ্যমূলক অনুমান কাক বোলে ? HS 2018

উত্তৰঃ দুটা বস্তুৰ মাজত কিছুমান গুণ বা লক্ষণৰ সাদৃশ্য লক্ষ্য কৰি সেই সাদৃশ্যৰ ভিত্তিত এটা বস্তুত থকা আন কোনো গুণ বা লক্ষণ দ্বিতীয় বস্তুটোত থকা বুলি যি অনুমান কৰা হয়, তাক সাদৃশ্যানুমান বা সাদৃশ্যমূলক অনুমান বোলে।

১২। আগমনাত্মক জাঁপ বা আগমনাত্মক সংকটৰ সংজ্ঞা দিয়া। HS 2018

উত্তৰঃ বৈজ্ঞানিক আগমনত আমাৰ জ্ঞান প্ৰক্ৰিয়া বিশেষৰ পৰা সামান্য সম্বন্ধৰ জ্ঞানলৈ, জ্ঞাত সত্যৰ পৰা অজ্ঞাত সত্যলৈ প্ৰসাৰিত হয়। বিশেষৰ পৰা সামান্যলৈ "কিছুমানৰ" পৰা "সকলো" লৈ যোৱা যুক্তিৰ এনে ঊর্ধ্বমুখী গতিকেই আগমনাত্মক জাঁপ বোলে।

১৩। সাদৃশ্যমূলক অনুমানৰ সিদ্ধান্ত কিয় সম্ভাৱনামূলক ? HS 2018

উত্তৰঃ সাদৃশ্যমূলক অনুমানৰ সিদ্ধান্তসমূহ নিশ্চিত নহয়, কিন্তু কিছু পৰিমাণে সম্ভৱপৰ হয়। সাদৃশ্যমূলক অনুমানত, দুটা বস্তুৰ মাজত কিছুমান সাদৃশ্য থকাৰ ওপৰত ভিত্তি কৰি আন এটা সাদৃশ্য থকাৰ অনুমান কৰা হয়। কিন্তু এই সাদৃশ্যবোৰৰ ওপৰত ভিত্তি কৰি লোৱা সিদ্ধান্তটো সদায় সঠিক নহ'বও পাৰে, কাৰণ সেই বস্তু দুটাৰ মাজত থকা আন বৈশিষ্ট্যবোৰ একে নহ'বও পাৰে। সেয়েহে, সাদৃশ্যমূলক অনুমানৰ সিদ্ধান্ত সম্ভাৱনামূলক হয়। 

১৪। অবৈজ্ঞানিক আগমনৰ সংজ্ঞা দিয়া। HS 2020

উত্তৰঃ যি আগমনত কোনো বস্তু বা ঘটনাৰ বিশেষ বিশেষ বহুতো দৃষ্টান্ত পৰ্যবেক্ষণ কৰি কাৰ্য-কাৰণ সম্বন্ধ প্ৰতিষ্ঠা কৰাৰ কোনো চেষ্টা নকৰাকৈ কেৱল সেই পৰ্যবেক্ষণৰ দ্বাৰা পোৱা অবাধিত অভিজ্ঞতা বা অভিজ্ঞতাৰ একৰূপতাৰ ওপৰত ভিত্তি কৰি এটা যথার্থ সামান্য বচন প্রতিষ্ঠা কৰা হয়, তাকে অবৈজ্ঞানিক আগমন বোলে।